ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

ಮಾನ್ಯರೆ,

ರಾಜ್ಯದ ಹಲವು ಅಕಾಡಮಿಗಳಿಗೆ ಅಧ್ಯಕ್ಷರು ಅಥವಾ ಸದಸ್ಯರ ನೇಮಕಾತಿಯಾಗದೆ ಈ ಅಕಾಡಮಿಗಳು ಚಟುವಟಿಕೆಯಿಲ್ಲದೆ ಬಿಕೋ ಎನ್ನುತ್ತಿರುವುದು ಸರಕಾರಕ್ಕೆ ನಾಚಿಕೆಗೇಡು.ಕೆಲವು ಅಕಾಡಮಿಗಳಿಗೆ ಅಧ್ಯಕ್ಷರಷ್ಟೇ ನೇಮಕವಾಗಿದ್ದರೆ ಇನ್ನು ಕೆಲವು ಅಕಾಡಮಿಗಳಿಗೆ ಸದಸ್ಯರೇ ಇಲ್ಲದೆ ಕೆಲವು ತಿಂಗಳುಗಳೇ ಕಳೆದಿದೆ.ಸಾಹಿತ್ಯ ಅಕಾಡಮಿಯ ಅಧ್ಯಕ್ಷರ ಅವಧಿ ಕಳೆದ ನವೆಂಬರ್‌ಗೆ ಮುಗಿದಿದ್ದರೂ ಇನ್ನೂ ಆ ಸ್ಥಾನಕ್ಕೆ ಯಾರೂ ನೇಮಕವಾಗಿಲ್ಲ.ಲಲಿತಕಲಾ ಅಕಾಡಮಿಯ ಪರಿಸ್ಥಿತಿಯೂ ಅದೇ. ಈ ಅಕಾಡಮಿ ಅಧ್ಯಕ್ಷರನ್ನು ಕಾಣದೆ 7ತಿಂಗಳಾಗಿದೆಯಂತೆ!.ಇನ್ನು ಯಕ್ಷಗಾನ ಬಯಲಾಟ ಅಕಾಡಮಿ,ಸಂಗೀತ ನೃತ್ಯ ಅಕಾಡಮಿ,ನಾಟಕ ಅಕಾಡಮಿ ಮತ್ತು ಕೊಂಕಣಿ ಸಾಹಿತ್ಯ ಅಕಾಡಮಿಗೆ ಹೊಸ ಸದಸ್ಯರ ನೇಮಕಾತಿಯೇ ಆಗಿಲ್ಲ.

ಈಗಾಗಿ ಈ ಎಲ್ಲ ಅಕಾಡಮಿಗಳ ಚಟುವಟಿಕೆಗಳು ಸ್ಥಗಿತವಾಗಬೇಕಾದ ಪರಿಸ್ಥಿತಿಯಿದೆ.ಸಮಾಜದಲ್ಲಿ ಜವಾಬ್ದಾರಿಯುತವಾಗಿ ಕೆಲಸ ಮಾಡಬೇಕಾದ ಈ ಅಕಾಡಮಿಗಳು ಅಧ್ಯಕ್ಷರು ಅಥವಾ ಸದಸ್ಯರಿಲ್ಲದೆ ನಿಂತ ನೀರಾಗಿರುವುದು ಸರಕಾರಕ್ಕೆ ಶೋಭೆಯಲ್ಲ.

-ವಿ. ಕೆ. ಪ್ರಭಾಕರ್,

ಬೆಂಗಳೂರು